• Jana Kura

    • 2025-10-24

     

    काठमाडौँ, ७ कात्तिक: तिहारको अवसरमा भाइटीका (कात्तिक ६) बाट नेपालभर प्रदर्शन सुरु भएको चलचित्र ‘वरिष्ठ बलराम’ ले दर्शकबाट सकारात्मक प्रतिक्रिया पाएको छ। प्रदर्शनको पहिलो दिन नै अधिकांश हल भरिएका थिए।

    चलचित्रका अभिनेता विजय बराल ले जानकारी दिए अनुसार, “टीकाको दिन भए पनि हामी केही हल पुगेर दर्शकसँग प्रतिक्रिया लिएका छौँ। चलचित्रमा सामाजिक विषयलाई मनोरञ्जनसँगै समेट्ने प्रयास गरेका हौँ। दर्शकको प्रतिक्रिया र सुझावले हाम्रो टोलीलाई थप हौसला मिलेको छ।”

    चलचित्रले प्राकृतिक स्रोतको दोहन र समाजका स्थापित तथा उदाउँदो व्यक्तिबीचको सङ्घर्ष को कथा प्रस्तुत गरेको छ। दर्शकले यसलाई ‘माटो सुहाउँदो’ कथा भएको भन्दै सामाजिक सन्देश सहित मनोरञ्जन पनि पाए भन्ने प्रतिक्रिया दिएका छन्।

    चलचित्रमा विजय बरालदयाहाङ राईले समान्तर भूमिका निर्वाह गरेका छन्। यसअघि राई मुख्य र बराल सहायक भूमिकामा देखिन्थे। साथै, समृद्धि अर्याल, पशुपति राई, माओत्से गुरुङ, भोलाराज सापकोटा, रामबाबु रेग्मी र प्रदीपकुमार चौधरी (पिके) जस्ता कलाकारले अभिनय गरेका छन्।

    निर्देशक सुरेन्द्र पौडेल ले यस चलचित्रको निर्देशन, कथा र सम्पादन गरेका छन् भने पटकथा महेश दवाडीले तयार पारेका हुन्।

    सिफारिस : सबै
    छुटाउनुभयो कि? सबै