❝ स्पेनलाई युरो कपको उपाधि ❞

काठमाडौँ, ३१ असार : युरो कप २०२४ फुटबल प्रतियोगिताको उपाधि स्पेनले जितेको छ । फाइनल खेलमा ईंग्ल्याण्डलाई २-१ गोलले हराउँदै स्पेन च्याम्पियन बनेको हो । स्पेनले कीर्तिमानी चौथो पटक युरो कप फुटबलको उपाधि जितेको छ ।आइतबार राति बर्लिनको ओलम्पिया रंगशालामा भएको फाइनलमा इंग्ल्याण्डलाई २–१ गोल ​​अन्तरले पराजित गरेको हो । योसँगै स्पेन सबैभन्दा बढी चार पटक युरो कपको उपाधि जित्ने टोली बनेको छ ।खेलको ९० मिनेटमा स्पेनका लागि निको विलियम्स (४७औं मिनेट) र वैकल्पिक खेलाडी मिकेल ओयार्जबाल (८६औं मिनेट)ले गोल गरे । त्यस्तै इंग्ल्याण्डका लागि एक मात्र गोल कोल पाल्मर (७३औं मिनेट)ले गरेका थिए ।युरो कपको फाइनलमा इंग्ल्याण्डको यो लगातार दोस्रो हार हो। यसअघि सन् २०२० मा आफैंले आयोजना गरेको युरो कपको फाइनलमा इटालीसँग पराजित भएको थियो।

खेलको ४५ औं मिनेटमा ईंग्ल्याण्डका फिल फोडेनले प्रहार गरेको बललाई स्पेनका गोलकिपर युनाइ सिमोनले सजिलै बचाउ गरे । स्पेनले खेलको ४७ औं मिनेटमा निको विलियम्सको गोलबाट सुरुवाती अग्रता बनायो । लामिने यामलको पासमा उनले वान टचमा सुन्दर गोल गरे । ईंग्ल्याण्डका गोलकिपर जोर्डन पिकफोर्डले बल छेक्ने कुनै अवसर नै पाएनन् । त्यसको एक मिनेट पछि नै स्पेनका ड्यानी ओल्मोले गोल गर्ने अवसर खेर फाले । खेलको ७३ औं मिनेटमा ईंग्ल्याण्डका लागि बराबरी गोल फर्काए । बेलिङहमको पासमा उनले डिबक्स बाहिरबाट उत्कृष्ट गोल गरे । स्पेनका गोलकिपर सिमोनले गोल बचाउ गर्ने कुनै अवसर नै पाएनन् । ८२ औं मिनेटमा यामलको प्रहारलाई ईंग्ल्याण्डका गोलकिपर पिकफोर्डले उत्कृष्ट बचाउ गर्दै पुनस् बिफल पारे । ८६ औं मिनेटमा स्पेनका लागि मिकेल ओयार्जावलले विजयी गोल गरे । कुकुरेलाको पासमा उनले वान टचमा गोल गरे । ९० औं मिनेटमा ड्यानि ओल्मोले पोस्टमा बारको काम गरे । ईंग्ल्याण्डका खेलाडीले प्रहार गरेको बललाई हेड गर्दै उनले स्पेनका लागि गोल बचाए ।