❝ चौथो आदिवासी जनजाति चलचित्र महोत्सव २३ गतेदेखि २५ गते सम्म हुदै ❞

नविना श्रेष्ठ ,जेठ १५,२०८१ आदिवासी जनजाति चलचित्र महासंघको आयोजनामा चौथो आदिवासी चलचित्र महोत्सव जेठ २३ गतेदेखि २५ गते सम्म काठमाडौंमा आयोजना हुने भएको छ । महासंघले  काठमाडौंमा पत्रकार सम्मेलन गर्दै कोरोनाका कारण २०७६ सालदेखि हुन नसकेको महोत्सव आगामी जेठ २३, २४ र २५ गते आयोजना गर्न लागिएको जनाएका छन्। ३ दिनसम्म चल्ने महोत्सवमा आदिवासी जनजाति मातृभाषी नेपाल भाषा चलचित्र, वृत्तचित्र र छोटा चलचित्र प्रदर्शन गरिने आयोजकले जनाए। महोत्सवमा सहभागिता जनाउने चलचित्रलाई विभिन्न ८ विधामा अवार्ड तथा पुरस्कार प्रदान गर्ने महासंघले जानकारी दिएको छ। त्यस अनुसार उत्कृष्ट चलचित्रलाई नगर  २० हजार रुपैयाँ, उत्कृष्ट बृत्तचित्रलाई १० हजार र उत्कृष्ट सर्ट फिल्मलाई  १० हजार रुपैयाँ नगदसहित प्रमाणपत्र प्रदान गरिने महासंघका अध्यक्ष पुर्खाजित राईले जानकारी दिएका छन्। भने नेपालको सांस्कृतिक र प्राकृतिक क्षेत्रको पर्यटन विकास गर्दै मुलुकको अर्थतन्त्रमा ठुलो टेवा पुर्‍याउने जनविश्वासका साथ यो चलचित्र महोत्सव आयोजना गर्न लागिएको आयोजकले बताए।