Jana Kura
२०८२ कात्तिक २७,
मुम्बई / बलिउडका वरिष्ठ अभिनेता धर्मेन्द्र उपचारपछि मुम्बईस्थित ब्रीच क्यान्डी अस्पतालबाट बुधबार बिहान डिस्चार्ज भएका छन्।
८९ वर्षीय धर्मेन्द्रलाई स्वास्थ्यमा निगरानीका लागि अस्पतालमा भर्ना गरिएको थियो। नोभेम्बर १० मा उनलाई सघन उपचार कक्ष (ICU) मा सारिएको थियो।
नोभेम्बर ११ मा उनकी श्रीमती हेमा मालिनी र छोरी ईशा देओलले धर्मेन्द्रको स्वास्थ्य अवस्था स्थिर रहेको र सुधार भइरहेको जानकारी दिएका थिए।
आज बिहान चिकित्सकहरूले उनलाई घर पठाइएको पुष्टि गरेका छन्। उनका परिवारका सदस्यहरूले पनि स्वास्थ्य सुधारको पुष्टि गरेका छन्।
धर्मेन्द्रको शीघ्र स्वास्थ्य लाभका लागि उनका प्रशंसक र बलिउड कलाकारहरूले शुभकामना व्यक्त गरिरहेका छन्।
बुधबार बिहान ७ बजे धर्मेन्द्रका छोरा बबी देओल बुबालाई भेट्न अस्पताल पुगेका थिए। त्यसपछि उनी बाहिर निस्केको दृश्य एनडिटिभीले प्रसारण गरेको छ।
