Jana Kura
काठमाडौँ, १८ वैशाख – नेकपा (एमाले)ले आफ्ना सपनाहरूलाई जनताको घरदैलोमा पुर्याउँदै विधान महाधिवेशनसम्म पार्टी सदस्यता साढे सात लाख पुर्याउने अठोट लिएको छ। सचिव माधव ढुङ्गेलका अनुसार, हाल पार्टीसँग पाँच लाख ५० हजार सदस्य छन्। अबको केही महिनाभित्र यो सङ्ख्या थप दुई लाखले बढाइनेछ। पार्टीले यो वर्षलाई “आन्तरिक जीवनको वर्ष” मानेको छ र नयाँ तथा नवीकरण सदस्यता वैशाखमै पूरा गरेर जिल्ला र प्रदेश हुँदै केन्द्रीय कार्यालयसम्म बुझाउने योजना बनाइएको छ। भदौ २०–२२ मा हुन लागेको विधान महाधिवेशन एमालेको सङ्गठन, विचार र जनसम्पर्कलाई अझ मजबुत बनाउने दिशामा एक महत्वपूर्ण पाइला हुनेछ । एमालेले भदौ २० देखि २२ गतेसम्म विधान महाधिवेशन गर्ने तय गरेको छ।
