ललितपुर, १२ असार । ललितपुरकाे महालक्ष्मी नगरपालिका वडा नं ४ मा चारदिने पुन: प्रयाेग गर्न मिल्ने प्याड बनाउने तालिम सम्पन्न भएकाे छ । ललितपुरकाे महालक्ष्मी नगरपालिका वडा नं ४ काे आयाेजना तथा एक्सपाेज नेपालकाे समन्वयमा चवालीस जना महिला दिदि बहिनीहरूलाइ चारदिने पुन: प्रयाेग गर्न मिल्ने प्याड बनाउने तालिम दिइकाे हाे । ललितपुरकाे महालक्ष्मी नगरपालिकामा रहेकाे महेन्द्र आदर्श माध्यामिक विद्यालयमा सञ्चालन गरिएकाे उक्त पुन: प्रयाेग गर्न मिल्ने प्याड तालिम प्रशिक्षक सृजना कपाली र ज्ञानी महर्जनले दिनुभएकाे थियाे ।
कार्यक्रममा पुन: प्रयाेग गर्न मिल्ने प्याड तालिमले प्रशिक्षार्थीहरूमा उत्साह मात्र नभएर जिविकाेपार्जनका लागि पनि उपयुक्त भएकाे प्रशिक्षक ज्ञानी महर्जनले बताउनुभयाे । प्रमुख प्रशिक्षक सृजना कपालीले आयआर्जनमा महिलाहरू सक्षम बनाउनका लागि याे प्रशिक्षणले जगकाे काम गरेकाे बताउनुभयाे । उक्त पुन: प्रयाेग गर्न मिल्ने प्याड तालिमकाे एक कार्यक्रम गरि महालक्ष्मी नगरपालिका वडा नं ४ का वडा अध्यक्ष अमृत खत्रीकाे प्रमुख अतिथ्यमा समापन भएकाे थियाे । कार्यक्रममा वडा सदस्यहरू संगिता भूसाल र विष्णु राेक्कालगाएतका उपस्थित हुनुभएकाे थियाे ।
