Jana Kura
काठमाडौँ, १७ वैशाख — नागरिक उन्मुक्ति पार्टीका संरक्षक रेशम चौधरीलाई आज प्रहरीले काठमाडौँको कमलादीस्थित प्रज्ञा भवन परिसरबाट पक्राउ गरेको छ। टिकापुर घटनासँग सम्बन्धित सर्वोच्च अदालतको आदेश कार्यान्वयनका क्रममा उहाँलाई डिल्लीबजार कारागार लगिएको काठमाडौँ जिल्ला प्रहरी परिसरले जनाएको छ। जनमत पार्टी र नागरिक उन्मुक्ति पार्टीबीच ऐतिहासिक एकता घोषणाको तयारी भइरहेको बेला चौधरीको पक्राउले समावेशी राजनीति र शान्तिपूर्ण संवादप्रति उठेका आशाहरूलाई गहिरो चोट पुगेको अनुभूति भएको छ।
