Jana Kura
काठमाडौँ, २५ मङ्सिर /
एसिसी पुरुष U-19 एसिया कपको प्रतिस्पर्धा भोलि शुक्रबारदेखि संयुक्त अरब इमिरेट्स (युएई) मा सुरु हुँदैछ। उद्घाटन दिनमा भारतले आयोजक युएईसँग तथा पाकिस्तानले मलेसियासँग खेल्दै प्रतियोगिताको रंगीन सुरुवात गर्ने छन्।
नेपालको टोली युएई पुगिसकेको छ र प्रतियोगितामा उत्कृष्ट प्रदर्शन गर्ने तयारीमा छ। नेपालले पहिलो खेल मङ्सिर २७ गते श्रीलङ्कासँग खेल्नेछ। दोस्रो खेल मङ्सिर २९ गते बङ्गलादेशसँग र अन्तिम समूह चरणको खेल पुस २ गते अफगानिस्तानसँग हुनेछ। नेपालका सबै खेल सेभेन्स रंगशालामा रहेका छन्।
यस प्रतियोगितामा आठ टोली सहभागी छन्।
हरेक समूहबाट शीर्ष दुईमा पर्ने टोली सेमिफाइनलमा प्रवेश गर्ने छन्। अन्तिम उपाधि भिडन्त पुस ६ गते हुनेछ।
