Jana Kura
काठमाडौँ, १२ मङ्सिर / नेपाल प्रिमियर लिग (एनपिएल)को आजको खेलमा विराटनगर किङ्स ले कर्णाली याक्सलाई तीन विकेटले पराजित गर्दै शानदार जीत हात पारेको छ। एक समय कठिन देखिएको खेललाई बसिर अहमदको धुवाँधार ब्याटिङले मोड दिँदै विराटनगरलाई विजयसम्म पुर्यायो।
कर्णालीले दिएको १६१ रनको लक्ष्य पछ्याउन उत्रिएको विराटनगरको सुरुवात भने राम्रो रहेन। ओपनर लोकेस बम ६ रनमै आउट भए, जर्ज मुन्से शून्यमा फर्किए। साम हेजलेटले १६ र साहिल पटेलले १९ रन जोडे पनि टोली दबाबमै थियो। यतिबेला क्रिजमा आएका बसिर अहमदले ४३ बलमा ६२ रन प्रहार गर्दै खेल पूर्ण रूपमा पल्टाइदिए। उनले तीन छक्का र तीन चौका प्रहार गर्दै आफ्नो दबदबा जमाए। नारायण जोशीले पनि २५ रन बनाएर महत्वपूर्ण साथ दिए।
खेल रोमाञ्चक मोडमा पुगेको थियो। अन्तिम ओभरमा १० रन चाहिएको अवस्थामा बसिरले पाँचौ बलमै छक्का प्रहार गर्दै जीत सुनिश्चित गरिदिए। १४ औँ ओभरसम्म सुस्त गतिमा खेलिरहेको विराटनगरले अन्तिम पाँच ओभरमा मात्र ७१ रन जोडी उत्कृष्ट पुनरागमन गर्यो।
कर्णालीका लागि सोमपाल कामी र गुलशन झाले दुई।दुई विकेट लिए भने पवन सरार्फ, नन्दन यादव र विलियम बोसिस्टोले एक।एक विकेट हात पारे।
यसअघि टस जितेर पहिले ब्याटिङ गरेका कर्णालीले २० ओभरमा ३ विकेट गुमाएर १६० रनको प्रतिस्पर्धात्मक योगफल बनायो। प्रियान्क पञ्चालले ६३ रनको शानदार प्रदर्शन गरे भने विलियम बोसिस्टो ४८ रनमा अविजित रहे। दुवैले दोस्रो विकेटका लागि ९६ रनको बलियो साझेदारी बाँधे।
विराटनगरका बलर सन्दीप लामिछाने र मर्चेन्ट डे लाङ्गेले एक।एक विकेट लिएका थिए।
रोमाञ्च, उतार–चढाव र नायकत्व सबै मिसिएको यो प्रतिस्पर्धाले आजको खेललाई एनपिएलको स्मरणीय क्षणका रूपमा
