Jana Kura
काठमाडौँ १२ मंसिर / टाइम म्यागेजिनले सार्वजनिक गरेको सन् २०२५ का उत्कृष्ट १०० तस्वीर बीच नेपालबाट खिचिएका दुई शक्तिशाली तस्बिरले पनि स्थान बनाउन सफल भएका छन्।
सूचीमा समावेश पहिलो फोटो एपीका फोटो–पत्रकार कुङा शेर्पाद्वारा सगरमाथामा खिचिएको हो, जहाँ आरोहणको चरमान्तरमा देखिएको भीडलाई जीवन्त रूपमा चित्रण गरिएको छ। दोस्रो तस्बिर एएफपीका प्रवीण रानाभाटले टिपेका हुन्, जुन गत भदौ २४ को आगलागीका बेला सिंहदरबार जलेको क्षणलाई समेट्छ।
सगरमाथालाई मे १८ मा र सिंहदरबारलाई भदौ २४ मा खिचिएका यी दुई तस्बिरले नेपालका महत्त्वपूर्ण घटना र चुनौतीपूर्ण क्षणलाई विश्वकै प्रतिष्ठित सूचीमा उजागर गरेको जनाएको छ।
