नेपालमा मङ्गलवार थप २७ जनामा कोरोनाभाइरस सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
सबै प्रदेशका कुल ३६ जिल्लामा सङ्क्रमित भेटिएका छन्।
विगत २४ घण्टामा पीसीआर विधिबाट २,२८० वटा परीक्षण गरिएको छ र अहिलेसम्म उक्त विधिबाट ३२,६०४ वटा परीक्षण भएको मन्त्रालयले जनाएको छ।
अहिले देशका विभिन्न स्थानमा २१,६२३ जना क्वारन्टीनमा र ४५७ जना आइसोलेशनमा भएको मन्त्रालयले जनाएको छ।