२४ जेष्ठ २०७७, शनिबार ।वासिङ्टन पोष्ट। अमेरिकाको राजधानी वासिङ्टन डिसिको ह्वाईट हाउस जाने एक सडकमा शहरकी मेयर मुरियल ब्राउसर आँफैले ‘ब्ल्याक लाइफ म्याटर’ पेन्ट गर्न लगाएकी छिन् । डिसीको उक्त सडक पुरै ढाक्ने गरी पंहेलो रङको अंग्रेजी अक्षरमा ‘ब्ल्याक लाइफ म्याटर’ लेखिएको हो ।ह्वाईट हाऊसको दक्षिण तर्फ जाने दुई लेनको १६ स्ट्रिटको पुरै दुई वटा ब्लकलाई अक्षरले ढाकेको छ । आउँदो सप्ताहन्तमा त्यस क्षेत्रमा बिशाल प्रदर्शन आयोजना गरिएको छ । मेयर ब्राउसरले आज ५ तारिख शुक्रबार ‘ब्ल्याक लाईफ म्याटर’ पेन्ट गरिएको भिडियो आफ्नो ट्विटरमा पोष्ट गरेकी छिन् । सडकमा उक्त नारा लेख्न मेयर आफैले पेन्टरलाई संपर्क गरेको र शुक्रबार बिहानैदेखि पेन्टरले उक्त नारा पेन्ट गर्न थालेका थिए । मेयर ब्राउसरले अधिकारिकरुपमा ह्वाईट हाऊस अगाडिको १६ स्ट्रिटको एक भागलाई ‘ब्ल्याक लाईफ म्याटर प्लाजा’ समेत घोषणा गरेकी छिंन् ।
